Sunday Saree Stories – Episode 1

ನಮ್ಮ ಅಮ್ಮನ ಸೀರೆ – ಒಂದು ಪ್ರೇಮಕಥೆ, ಒಂದು ನೆನಪು

ಕೆಲವು ಸೀರೆಗಳು ಕೇವಲ ಉಡುಪುಗಳಲ್ಲ.

ಅವು ಒಂದು ಕುಟುಂಬದ ನೆನಪುಗಳನ್ನು, ಪ್ರೀತಿಯನ್ನು ಮತ್ತು ಬದುಕಿನ ಸುಂದರ ಕ್ಷಣಗಳನ್ನು ತಮ್ಮೊಳಗೆ ಇಟ್ಟುಕೊಂಡಿರುತ್ತವೆ.

ಅದಕ್ಕಾಗಿಯೇ Sunday Saree Stories ಸರಣಿಯ ಮೊದಲ ಕಥೆಯನ್ನು ನಾನು ನನ್ನ ಅಮ್ಮನ ಸೀರೆಯಿಂದಲೇ ಆರಂಭಿಸಬೇಕು ಎಂದುಕೊಂಡೆ.

ಯಾಕೆಂದರೆ, ನಾವು ಹುಟ್ಟಿದಾಗಿನಿಂದ ಹೆಚ್ಚು ನೋಡಿದ ಉಡುಪು ಅಂದರೆ ನಮ್ಮ ಅಮ್ಮನ ಸೀರೆ. ನನ್ನ ಅಮ್ಮ ಶಿಕ್ಷಕಿಯಾಗಿದ್ದರಿಂದ ಪ್ರತಿದಿನ ಶಾಲೆಗೆ ಸೀರೆಯಲ್ಲೇ ಹೋಗುತ್ತಿದ್ದರು. ಮನೆಯಲ್ಲಿಯೂ ಅವರು ಹೆಚ್ಚಾಗಿ ಸೀರೆಯನ್ನೇ ಧರಿಸುತ್ತಿದ್ದರು. ಹಾಗಾಗಿ ನನ್ನ ಬಾಲ್ಯದ ಅನೇಕ ನೆನಪುಗಳಲ್ಲಿ ಸೀರೆ ಒಂದು ಭಾಗವಾಗಿದೆ.

ಆದರೆ ಈ ಕಥೆ ಯಾವುದಾದರೂ ಸೀರೆಯ ಬಗ್ಗೆ ಅಲ್ಲ.

ಇದು ನನ್ನ ಅಪ್ಪ, ನನ್ನ ಅಮ್ಮನಿಗೆ ನಿಶ್ಚಿತಾರ್ಥದ ಸಂದರ್ಭದಲ್ಲಿ ಉಡುಗೊರೆಯಾಗಿ ಕೊಟ್ಟ ಮೊದಲ ಸೀರೆಯ ಕಥೆ.

ಮೊದಲಿಗೆ ನೋಡಿದರೆ ಅದು ತುಂಬಾ simple ಸೀರೆ.

ಅಮ್ಮನಿಗೂ ಆಗ ಅದರ ಬಗ್ಗೆ ವಿಶೇಷವಾಗಿ ಏನೂ ಅನಿಸಿರಲಿಲ್ಲ. ನಿಶ್ಚಿತಾರ್ಥ ಆಯಿತು, ನಂತರ ಮದುವೆಯೂ ಆಯಿತು.

ಮದುವೆಯಾದ ನಂತರ ಅಮ್ಮ ಮೊದಲ ಬಾರಿಗೆ ನಮ್ಮ ಮನೆಗೆ ಬಂದರು.

ಆ ಸಮಯದಲ್ಲಿ ನಮ್ಮ ಮನೆ ಇಂದಿನ ಮನೆಗಳಂತೆ ಇರಲಿಲ್ಲ. ಒಂದು ದೊಡ್ಡ ಹಾಲ್, ಅದೇ ಗಾತ್ರದ ಅಡುಗೆಮನೆ ಮತ್ತು ಇನ್ನೊಂದು ಭಾಗ—ಹೀಗೆ ಸರಳವಾದ ಹಳೆಯ ಮನೆ. ಗೋಡೆಯ ಮೇಲೆ ಒಂದು ಕ್ಯಾಲೆಂಡರ್ ನೇತುಹಾಕಲಾಗಿತ್ತು.

ಆ ಕ್ಯಾಲೆಂಡರ್‌ನಲ್ಲಿ ಆಗಿನ ಕನ್ನಡದ ಜನಪ್ರಿಯ ನಟಿ ಸಿತಾರ ಅವರ ಫೋಟೋ ಇತ್ತು.

ಆ ಫೋಟೋದಲ್ಲಿದ್ದ ಸೀರೆ ಮತ್ತು ನನ್ನ ಅಪ್ಪ ಅಮ್ಮನಿಗೆ ಕೊಟ್ಟ ಸೀರೆ ಒಂದೇ ರೀತಿಯದ್ದಾಗಿತ್ತು.

ಅಮ್ಮಗೆ ಆಗ ಅರ್ಥವಾಯಿತು...

ಈ ಸೀರೆಯನ್ನು ಆಯ್ಕೆ ಮಾಡುವುದು ಅಷ್ಟು ಸುಲಭದ ಕೆಲಸವಾಗಿರಲಿಲ್ಲ.

ಇಂದು ಇದ್ದಂತೆ ಮೊಬೈಲ್ ಇರಲಿಲ್ಲ.

ಒಂದು ಫೋಟೋ ತೆಗೆದು ಅಂಗಡಿಗಳಿಗೆ ತೋರಿಸಿ ಇದೇ ರೀತಿಯ ಸೀರೆ ಬೇಕು ಎಂದು ಹೇಳುವ ಅವಕಾಶವೂ ಇರಲಿಲ್ಲ.

Online shopping ಇರಲಿಲ್ಲ.

Google search ಇರಲಿಲ್ಲ.

ಆದರೂ ನನ್ನ ಅಪ್ಪ ಆ ನಟಿಯ ಸೀರೆಯನ್ನು ಗಮನಿಸಿ, ಅದೇ ರೀತಿಯ ಸೀರೆಯನ್ನು ಹುಡುಕಿ, ನನ್ನ ಅಮ್ಮನಿಗಾಗಿ ತಂದಿದ್ದರು.

ಅವರು ಹೇಗೆ ಹುಡುಕಿದರು?

ಎಷ್ಟು ಅಂಗಡಿಗಳಿಗೆ ಹೋದರು?

ಎಷ್ಟು ಸಮಯ ತೆಗೆದುಕೊಂಡರು?

ನನಗೆ ಗೊತ್ತಿಲ್ಲ.

ಆದರೆ ಒಂದು ವಿಷಯ ಮಾತ್ರ ಗೊತ್ತು...

ಆ ಪ್ರಯತ್ನದ ಹಿಂದೆ ಇದ್ದ ಪ್ರೀತಿಯೇ ಆ ಸೀರೆಯನ್ನು ವಿಶೇಷವಾಗಿಸಿತು.

ನನ್ನ ಅಪ್ಪಗೆ ಇಷ್ಟವಾದ ನಟಿಯ ಸೀರೆಯನ್ನು, ತಮ್ಮ ಜೀವನದ ನಾಯಕಿಯಾದ ನನ್ನ ಅಮ್ಮನಿಗೆ ಉಡುಗೊರೆಯಾಗಿ ಕೊಟ್ಟಿದ್ದರು.

ಅಮ್ಮ ಈ ಕಥೆಯನ್ನು ಒಮ್ಮೆ ನನಗೆ ಹೇಳಿದಾಗ, "ವಾವ್... ಎಷ್ಟು romantic!" ಎಂದು ನಾನು ಯೋಚಿಸಿದ್ದೆ.

ಅಂದಿನಿಂದ ಆ ಸೀರೆ ನನಗೆ ಕೇವಲ ಒಂದು ಸೀರೆ ಆಗಿರಲಿಲ್ಲ.

ಅದು ಪ್ರೀತಿಯ ನೆನಪು.

ಅದು ಒಂದು ಕಾಲದ ಕಥೆ.

ಅದು ಒಬ್ಬ ಗಂಡ ತನ್ನ ಹೆಂಡತಿಗಾಗಿ ಮಾಡಿದ ಸಣ್ಣದಾದರೂ ಅಮೂಲ್ಯವಾದ ಪ್ರಯತ್ನದ ಸಂಕೇತ.

ಬಹುಶಃ ಇದೇ ಕಾರಣಕ್ಕೆ ಕೆಲವು ಸೀರೆಗಳು ವರ್ಷಗಳು ಕಳೆದರೂ ತಮ್ಮ ಮೌಲ್ಯವನ್ನು ಕಳೆದುಕೊಳ್ಳುವುದಿಲ್ಲ.

ಅವುಗಳ ಬೆಲೆ ಬಟ್ಟೆಯಲ್ಲಿ ಇರುವುದಿಲ್ಲ...

ಅವುಗಳ ಬೆಲೆ ಅವು ಹೊತ್ತು ತರುವ ಕಥೆಗಳಲ್ಲಿ ಇರುತ್ತದೆ.

ನಿಮ್ಮ ಸೀರೆಯ ಹಿಂದೆ ಯಾವ ಕಥೆಯಿದೆ?

ನಿಮ್ಮ ಮನಸ್ಸಿಗೆ ಹತ್ತಿರವಾದ ಒಂದು ಸೀರೆ ಇದೆಯೇ?

ಅದರ ಹಿಂದೆ ಒಂದು ನೆನಪು, ಒಂದು ಭಾವನೆ ಅಥವಾ ಒಂದು ವಿಶೇಷ ವ್ಯಕ್ತಿಯ ಕಥೆಯಿದೆಯೇ?

ಹಾಗಿದ್ದರೆ ನಮ್ಮೊಂದಿಗೆ ಹಂಚಿಕೊಳ್ಳಿ.

ನಿಮ್ಮ ಕಥೆಯನ್ನು ನಮ್ಮ Sunday Saree Stories ಸರಣಿಯಲ್ಲಿ ಪ್ರಕಟಿಸುವ ಅವಕಾಶ ನಮಗೆ ಸಂತೋಷದ ವಿಷಯ.

ಯಾಕೆಂದರೆ SUHPRABA – The House of Tradition ನಲ್ಲಿ,

ಪ್ರತಿ ಸೀರೆಗೂ ಒಂದು ಕಥೆ ಇದೆ... ಮತ್ತು ಪ್ರತಿಯೊಂದು ಕಥೆಯೂ ಹೇಳಲ್ಪಡಲು ಅರ್ಹವಾಗಿದೆ. 💚